Het jy al ooit gevoel dat jou kop vol woorde is maar jy weet nie hoe om hulle te orden sodat jy daardie woorde kan gebruik op ‘n sinvolle manier om uiteindelik ‘n skryfstuk te kan skryf nie?
Ek wil net heeltyd skryf oor jou, van jou, vir jou…
My hele lewe en hele bestaan draai om jou. Jy besit grootste deel van my brein, my hart, my siel en sommer wie ek is. Jy maak my lag wanneer ek gedink het dit onmoontlik is om te lag.
Jy plaas my op hierdie “stoel” van skoonheid en onskuld. Jy beplan jou lewe rondom my en jy is meer as bereid om vir my te wag.
Ek het so baie om vir jou te sê, maar ek weet wanneer die tyd reg is, al my woorde ook reg lê. Hulle sal vloei soos water oor my lippe en jy sal alles verstaan. Ek sal met jou hart kan praat en hy sal verstaan.
Jyt my gered uit ‘n plek van seerkry. Jy het my kom haal want jy het geweet ek is joune.
Ek sou dieselfde doen, maar ek was so blind op daardie stadium en my trots was te groot.
Maar jy het tot my redding gekom.
Vir jou het ek so baie lief.
Vir nou is dit al wat ek uit my brein kon uithaal.
Vir nou dink ek is dit al wat tel.
Tot ek jou weer sien, sal die wêreld net weer aan my bewys dat ek en jy… ons is gemaak vir mekaar.
digtedenke 